Culture & EntertainmentFeature StoriesKashmiri Write Up'sTrending Photo

वच़ुन

वॆसिये लालॖ वुज़नॅविथ गोम।
कॖनॖ तॅल्य् लोलॖ शेछ सुय बॅविथ गोम
वेसिये लालॖ वुज़ॖनॅविथ गोम
रुमॖ रुमॖ रॖसॖ रसॖ लोल बॅगरिथ गोम
वेसिये लालॖ वुज़ॖनॉविथ गोम।
नखॖ ब्यूठुम तय डख पानॖ रोटॖनम,
मोह अन्धॖकारॖच छ़ाफ कॅसॖनम
बॉज़्यगार भ्रम दूर कॅरॖनॅविथ गोम
वोसिये लालॖ वुज़नॉविथ गोम।
दिहि अभिमानस नार दिथ हम गोम,
अॅन्दॖरयुम रावुन ज़ॅलिथ गोम।
भावुक विभीषण राज प्रॅविथ गोम
वेसिये लालॖ वुज़ॖनॉविथ गोम।
नल नील सुग्रीव भावस बॖसिथ गोम,
सॊथ गॅन्डॖनॉ्ॖ्वॖहस रामॖ नावुक,
राम व्वन्दि ललवुन हॆछिनॅ्विथ गोम
वोसिये लालॖ वुज़ॖनॅविथ गोम।
हनि हनि कॗडॖ ज़ालव मज़ॖ कॖडॖनस,
मायायि ज़ालॖ निश म्वकॖलॅवॖनस,
राम नाव दोजि प्यठ लेखॖनॅ्विथ गोम
वेसिये लालॖ वुज़ॖनॅविथ गोम।
क्रूधक्य् त्यौगल सरॖ कॅरॖनॉवॖनस,
अज्ञान ज़ोलनम ज्ञानॖ तीज़ॖ सॗत्य।
रुमॖ रुमॖ श्री राम परॖनॅविथ गोम
वेसिये लालॖ वुज़ॖनॉविथ गोम।
हय्थ् यी अॅसॖस आमॖच़ कर्मुक,
वारॖ वारॖ व्यतॖरुन हॆछॖनॅवनस
बिमलाई कम कम रंग हॅविथ गोम,
वेसिये लालॖ वुज़ॖनॅविथ गोम
कॖनॖ तॅल्य् लोलॖ शेछ सुय बॅविथ गोम
वेसिये लालॖ वुज़ॖनॅविथ गोम

 

 

 

 

बिमला मिसरी ऐमा
७२भारत नगर
तालाब तिलू जम्मू।

Show More

Related Articles

Leave a Reply

Your email address will not be published. Required fields are marked *

Back to top button
Close