कॉम रंगिर रंग बॅर यि जनतस अॕलिमव वरकन फ़िरूय,,,,,,,,
आफ़ताबिक नूरनिय वुछ माहताबस रंग बरूय।।
आफ़ताबिक नूरनिय वुछ,,,,,,,,,,,,,,,,,,,,,
वारि हिंज़ बरजस्त् फुलया यावॖनिक बामन फॊलिथ
कायनाथस वॊस्तिकारन मस्त श्रंगारा करूय।।
आफ़ताबिक नूरनिय वुछ,,,,,,,,,,,,,,,,,,,,,
ललॖवाखव नुंदॖ श्रुकॆव यॆति वाॅरि कॅर ज़ीनत अता
तति शीनॖ थॊसविय बालि थोंगॆन वुछ मलुल मखमल जरूय।।
आफ़ताबिक नूरनिय वुछ,,,,,,,,,,,,,,,,,,,,,
दारि बर अथ वारि सोंनि सिंज़ नीलॖ नागुक न्यूल पॊण।
अहरिबलचॆव वुज़मलव वुछ गज़लनिय मॊखतय जरूय।
आफ़ताबिक नूरनिय वुछ,,,,,,,,,,,,,,,,,,,,,
झीलि डल तय ब्य वलर संतूर सारंग नॉट रबाब
गुल ति बुलबुल आरवलनिय कुकलविय गवना करूय।।
आफ़ताबिक नूरनिय वुछ,,,,,,,,,,,,,,,,,,,,,
नर्गिसन सुंमबलन शबाबिय टेंकबटिनेन विरकिनेन।
शालिमारस तय निशातस बुलबुलव लॊला बरूय।।
आफ़ताबिक नूरनिय वुछ,,,,,,,,,,,,,,,,,,,,,
ज़ागि जनतस रूद जाहनमॖ पॆठ छु आमुत कुस सना।
ऋष मिरासस अॕछ टुविथ यॆम दुशमनुत सौदा करूय।।
आफ़ताबिक नूरनिय वुछ,,,,,,,,,,,,,,,,,,,,,
ज़ूनि आसय चूनि जरिथिय ग्रहॖन करना दागदार।
उल्फ़तस कुलुफ़ा करिथ वन कॅम सना कुफरूय पोरूय।।
आफ़ताबिक नूरनिय वुछ,,,,,,,,,,,,,,,,,,,,,
हॅस दितुय शैतानिय क्यम मुफ़लिसिय कॊरथन “निराश”।
दॊस असिथ दुशमनी हुंद दुशमनव अज़ वॆह बॅरूय।।
आफ़ताबिक नूरनिय वुछ,,,,,,,,,,,,,,,,,,,,,
डा रमेश “निराश”
