Feature StoriesKashmiri Write Up'sTrending Photo
देहकुय बुलबुल रंदॖ गछि कडनुय,सूहम सू के कमचय सीथ। गॊर ज्ञान शब्दस आहुति द्यिन,मन के श्रूच़े चम्चय सीथ।।
देहकुय बुलबुल रंदॖ गछि कडनुय,सूहम सू के कमचय सीथ।
गॊर ज्ञान शब्दस आहुति द्यिन,मन के श्रूच़े चम्चय सीथ।।
पांच़न प्रानण म्युल योद करनुय,त्युथ गछि सरनुय युथ लगि तार।
डुव दिथ वावुल अंगटि नेरिय फश दिथ जंदनॖय गमछय सीथ ।।
तनि हिंद पनॖ मनि सांरंग वायिन,लायिन क्रेख गछि खोर नेठविय।
अज्ञान गटनिय समिधा त्रावॖन,वमनहुरे अमि मनचय सीथ।।
नेहकॖय श्रेह तनि तुम्बि प्रज़लावुन,वेहकॖय नारय नेरिय क्या।
रचि रचि तुलकतरिय व्गलावुन,च्यतॖ चेनुन दृढ़ न्यश्चय सीथ।।
दॖयचव पून्यव रीशिम वोनुन,दोनुन हसदॖकि दूने फम।
गंटव ग्रदवॖय तिकि पान ख्यावुन,वॉद २ वॅहमय समशय सीथ ।।
चम जजिम तय नम तां गलिम,निराश फेकॖ मा वॅछ अलबॉन।
सोंतुस लॉयिम आलव हरदय,यारव फ्रसतव वनचव सीथ।।।
डा रमेश “निराश”
