Feature StoriesKashmiri Write Up'sTrending Photo
ग्रज़वॖनिस दरयावसिय अंदाज़ बदल छा। दुबरायि दिलचे मॉरमॊंद हमराज़ बदल छा।।
ग्रज़वॖनिस दरयावसिय अंदाज़ बदल छा।
दुबरायि दिलचे मॉरमॊंद हमराज़ बदल छा।।
बुतलि गथविय सीर्यिसिय दोह रात नमूदार।
सॉदरॖ छालन गेवनुकुय अज साज़ बदल छा
दॊन बॅठें दरयावकेन कर म्युल गोमुत अज़तां
आबशारिक श्रोन तिमय आवाज़ बदल छा।।
चूरि नॖय कुस पोशसॖय बोय,आफताबस नूर।
अफसूस ज़ूनॖ रॉच़निय हिंद नवाज़ बदल छा।
अश्कॖ नारॖच रेह शबस,लोग ज़ूनि आमताव
ख्वाब पखॖॖनॖय वुनॖ तिमय परवाज़ बदल छा।
पॊत आलवन कन थविथ,खाम सुय येति रूद
वॉयिज़ छु द्रामुत बांगि सुबहय,वाज़ बदल छा
गेनॖ त गोच़ॖॖ दिलचय बुथिस,सरमायि निराशुन
अलिम वनान अज़ वक्तुय,रेवाज बदल छा ।
डा रमेश “निराश”
