Feature StoriesKashmiri Write Up'sTrending Photo
रंगच़रि गॅजगाह यॆतॖ कॊर पानस,छुनॖ जानानस तति मंज़ूर।। डॆकॖसॖय द्रॅह तय मल अॕनखानस,छुनॖ जानानस तति मंज़ूर।।
रंगच़रि गॅजगाह यॆतॖ कॊर पानस,छुनॖ जानानस तति मंज़ूर।।
डॆकॖसॖय द्रॅह तय मल अॕनखानस,छुनॖ जानानस तति मंज़ूर।।
रातस फॆरि२ऒश वॊथ शमहस,तमहस कॊरनस ज़ॖच़ॖ अकॖ सूर।
शर रुद ज़ालुन पान परवानस,छुनॖ जानानस तति मंज़ूर।।,,,,,
जन्नतॖच न्यामॅच़ॖ नफ्च़े यछॅसॖय,गछसॖय पतॖ गॊव कछॖ बुज़ पान।
बॊछि मा चॅज़ ज़ाह गॅजि शुमशानस,छुनॖ जानानस तति मंज़ूर।।,,,
बुज़ बुज़ रच़ॖ रच़ॖ मछ़िमाज़ ख्यॊवुम,चॊवुम शॊरबय दामॖ दामय।
ज़ायि गॊव नून तील दावतखानस,छुनॖ जानानस तति मंज़ूर।।,,,,,
ज़ॆरि ज़ॆरि टॆठवन नाबद नॅटसॖय,खॊटसॖय पॅंसस हटि गॊम हार।
व्यूर च़ॊल ज़ालव दूर मॅदानस,छुनॖ जानानस तति मंज़ूर।।,,,,,
अशकॅनि कहवचि बुलबुल खारुन,छारुन वन के मनॖ मस्तान।
पखॖच़ॊट वुफि कतॖ खसॖ असमानस,छुनॖ जानानस तति मंज़ूर।।,,
पॅछलाजि प्रथकाह दॊहनॖय च़ॊरन,खॊरन तल येति ज़ागान मॊत।
पय छुनॖ द्रसि कर लमि ज़ुव जानस,छुनॖ जानानस तति मंज़ूर।।,,,
असवॖन मॊखच़े ज़ॅच़ॖ तॅस डेकसॖय,हकसॖय युस रुद दोखसॖय मंज़।
मॊल नय ज़ॊनुय यॆम यकसानस, छुनॖ जानानस तति मंज़ूर।।,,,,
प्राण गछि खारुन अनहद त्रानस,पानस मंज़ पोखतावुन पान।
रंदॖ रोस युस बंदॗ राह खारि छानस,छुनॖ जानानस तति मंज़ूर।।,,,,,
मॆच़ि सीथ म्येलुन मेच़ॖविस बानस,दानस देहकॖस छेतॖ गछि रेह।
वछि वुशनेर नय छावॖ यियि बानस,छुनॖ जानानस तति मंज़ूर।।,,,,,
बेकॖल डालव वॅस पेव तालव,छ़ालव दॊदरेव फालव निराश।
दॊतॖ कॅर अथॉरॖय मलमलॖ थानस,छुनॖ जानानस केंह मंज़ूर।।,,,,,
डाॅ रमेश निराश
