Feature StoriesKashmiri Write Up'sTrending Photo
सुलि व्यथ पूज़ा कर ईश्वरसॖय,शिव शंकरसॖय प्रेम पॊन्य् भाव शीव शंकरसॖय परमईश्वरसॖय,शिव शंकर
सुलि व्यथ पूज़ा कर ईश्वरसॖय,शिव शंकरसॖय प्रेम पॊन्य् भाव
शीव शंकरसॖय परमईश्वरसॖय,शिव शंकर,,,,,,,,,,,,,,,
सुलि वॊथिथॖय ग्वडॖ मन वुज़नावुन,हर-हर शिव-शिव परनावुन
जय-जय कार कर नारायणॖसॖय।।शिव,,,,,,,,,,,,,,,
सुलि वथनस छुय कॊता मधुर फल,भक्ति भावस लोलस मायि फल।
तारवुन तार दियि यथ भवसरसॖय,शिव शंकर,,,,,,,,,,,,,,,
युस व्यथि हर दॊह सुलि प्रभातन,सुय प्रावि ना येतॖ सॊख सम्पदा।
महिमा छु तसॖन्दिस अर्धॖ प्रदिक्षणसॖय,शिव शंकर,,,,,,,,,,
कुकलि हिंदि कू कू प्रवि पेय बालन,खार मन तारन सूहम सू।
ज्ञानजॖच़ॖ प्रज़लान सुलि गरि रवॖसॖय, शिव शंकर,,,,,,,,,,,
हा निराशो वथनस कर सुल,द्देव च़ेति फलनय गुल त गुलज़ार
सुमरान रोज़ुन दय क्षण क्षणसॖय, शिव शंकर,,,,,,,,,,,,
डाॅ रमेश निराश
