Feature StoriesKashmiri Write Up'sTrending Photo
ज़िन्दगी हुंद नॊव सबक परनावॖ कुस। त्रॉर बरनेन वनतॖ यॆति मुच़रावॖ कुस।।
ज़िन्दगी हुंद नॊव सबक परनावॖ कुस।
त्रॉर बरनेन वनतॖ यॆति मुच़रावॖ कुस।।
सुचनि रोस पनि दाव हेथ द्रामुत छु कॊत।
ताव ज़ख्मन वनतॖ यॆति शेहलावि कुस।।
सॅदरॖ छ़ालन रॊवमुतुय लकचार ट्योठ।
हम त खुरिस वनतॖ यॆति गिंदनावॖ कुस।।
व्यन दफ़न अखबार सफनॖय मंज़ पज़र।
सीनॖ मुच़रिथ कीनॖ दिलकुय हावॖ कुस।।
मील रतॖसॅय तुल कलम कर अडजनिय।
यथ मछिल वति वनतॖ येतॖ पकनावि कुस।।
प्रथ अकिस शख्सस छु नेंद्ररे हुंद खुमार।
जूनॖ रॉच़न वनतॖ व्यन वुज़नावि कुस।।
गाशचॖय शेछ हेथ छु आमुत आफताब।
अंगटन कथ मतलबॖच समझायि कुस।।
अख वोमेदा वुनिति छम च्यनॖय दिलस।
च़ेय बॅगर व्यनतम निराश हेछनावॖ कुस।।
डाॅ रमेश निराश
