Feature StoriesKashmiri Write Up'sTrending Photo
योदय साज़ जिगरूक बेवायि रोज़िय। दिलस तोति म्येनिय दुबरायि रोज़िय।।
योदय साज़ जिगरूक बेवायि रोज़िय।
दिलस तोति म्येनिय दुबरायि रोज़िय।।
गुलो बागि बुलबुल ज़ुल्फ ग्रायि रोजिय।
दिलस तोति म्येनिय दुबरायि रोज़िय।।….
बिहिथ छायि संगरन चौदॖश हुंद चंद्र ज़न।
दज़िथ नारि पेमित गुलिस्तां यि कोह वन।
चे योद लाल गौहर अमिय शायि रोजिय।। पोतछायि रोजिय।।
गछिथ ब्रंत ओबरिक पोतछायि रोजिय।।
दिलस तोति म्येनिय च़े दुबरायि रोज़िय।।….
वलिथ नूर अब्ररूक खटिथ तारकन मंज़,
हेछुथ कर निगारो ज्यवुल करुन फंद।
योदेय वावचॖय छट पदेन सायि रोजिय।।
दिलस तोति म्येनिय दुबरायि रोज़िय।।….
बिहिथ दूरि अरशस वनुम क्या चे द्रावुय,
मच़र लोलि आरन च़े नो आर आवुय।
योदेय वंसि तच़रिय अमिय त्रायि रोजिय।।
दिलस तोति म्येनिय दुबरायि रोज़िय।।….
वुहान अश फेरेव छुय तेंगुल अशकि नारूक,
फोलान मा छु हरदय गुलिय ज़ाह बहारुक।
योदय मुश्कि कोफूर चे सरमायि रोजिय।
दिलस तोति म्येनिय दुबरायि रोज़िय।।….
कडिय कॅम च़े परकल वनतम निगारो,
लोगुथ च़े संगदिल हयो बेआरो।
योदय नॅव चे खोशबय गंगरायि रोजिय ।।
दिलस तोति म्येनिय दुबरायि रोज़िय।।….
कलिस लोलि यैंद्रस गोमुत सूर अंद्रिय,
यिवान कोनि बुलबुल वोथान सुलि नेंद्रिय।
योदेय पोत न फेरख निराश न्याय रोजिय।।
दिलस तोति म्येनिय दुबरायि रोज़िय।।….
डाॅ रमेश निराश
