Feature StoriesKashmiri Write Up'sTrending Photo
शॅयिर बॖ छुस पूज़ान कलम दरिथ हलम अलफ़ाज़ दिम । यथ अलिमि सदरस मंज खटिथ,क्या २ छु सोरूय राज़ दिम।।
शॅयिर बॖ छुस पूज़ान कलम दरिथ हलम अलफ़ाज़ दिम ।
यथ अलिमि सदरस मंज खटिथ,क्या २ छु सोरूय राज़ दिम।।
गज़लन बरान छुस चॉन लय,नज़मन अंदर छम च्यन प्रय।
फ्युर दिथ में वरकन छ़ोडमख,हरफ़न म्य लोलुक साज दिम।।
वन कर म्य सोनि सुंद प्रंग मंगुय,बस रहबरी हुंद संग मंगुय।
छुनि शर में बर वॅथ रॊज़नुक,बस रुत लेखनुक अंदाज़ दिम ।।
अछरन पनिन आवाज दिम ।।
अंगटि हिशिय दोहि रात छम,दिलि दुब अछन वहरात छम।
खूनॆ जिगर चोवुम कलम,अछरन शीरीन आवाज दिम ।।
शौकस म्य करिमिच़ रॅछ छम,बस लेखनॖच अख त्रेश छम।
मयखानकुय मय चॉयथिय,शारन म्य थॉज़ परवाज़ दिम।।
क्या २ म्य लीखित छुम थोमुत नजमन यि अफसानन अंदर।
बूजिथ परिथ लुख यथ सनन त्युथ जानि जम शीराज़ दिम।।
साज़स छु खारून ल्यूखमुत राजस छि लुख वॅकिफ करिन।
युस दियॖ निराशस ताल,लय कांह तिथ अखा हमराज़ दिम।।
डाॅ रमेश निराश
