Feature StoriesKashmiri Write Up'sTrending Photo
चे योद सोजे जिगरस वखय त्राय रोजिय,दिलस तोति म्येनिय च़े दुबराय रोजिय। गुलो बागे बुलबुल दिवां ग्राय रोज़िय,दिलस तोति म्येनिय च़े दुबराय रोजिय।।
चे योद सोजे जिगरस वखय त्राय रोजिय,दिलस तोति म्येनिय च़े दुबराय रोजिय।
गुलो बागे बुलबुल दिवां ग्राय रोज़िय,दिलस तोति म्येनिय च़े दुबराय रोजिय।।
रटिठ कीनॖ अंद्रिय सितमगर निगारय,मशा लोल जिगरस गछुन पारि पारय।
शुहुल बोनि बागुक विहुल न्याय रोज़िय,दिलस तोति,,,,,,,,,
कलिस लोलॖ येंद्रस ज़ुवुन गव मुहालय,बुछान लोलि शाहमार यि च्याने खयालय।
विहिल व्यंकि पन्निय हुरून आय रोजिय,दिलस तोति,,,,,,,,,
छु मा यार जॕयिज़ छोखन नून त्रावुन,फरामोश यारस चॉटिथ वछ यि हावुन।
रिहिल खम च़े ज़ुल्फन सरमाय रोज़िय,दिलस तोति,,,,,,,
बोंबरस येंमबरजोल करिथ चोल सु गांगल,दजिथ पेय गुलाबो फलिथ हिय त मसवल।
फलिथ बागि नरगिस नविय राय रोजिय,दिलस तोति,,,,,,,,
लगिथ कलिस डोल करूथ छल च़े बोंबरो,छेवा अश्कि नारूक तेंगुल ज़ाह ति सोंदरो।
डेकस नूर सिर्युक चंद्र छाय रोजिय,दिलस तोति,,,,,,,,,,
बिहिथ छायि संगरन चौदॖश हुंद चंद्र ज़न,वलिथ नूर अब्ररूक दिवां गोश छु नादन।
मशिय मा दिलबर मछिज़ माय रोज़िय,दिलस म्यानि,,,,,,,,,
हसर क्या वछस मंज़ निराशस न रोज़ख,ग़ज़ल गीत लोलिक कनव योद नि बोज़ख।
पोत फेरनुक योद न काह पाय रोज़िय,दिलस म्यानि,,,,,,,,,,,
डाॅ रमेश निराश
