Feature StoriesKashmiri Write Up'sTrending Photo
छुस ब बटॖ,बटॖ आसनूक रुमि रूमय अभिमान छुम। छॉग बुलबुल तालि चंद्रम,ट्योक डेकस यज़मान छुम ।।
छुस ब बटॖ,बटॖ आसनूक रुमि रूमय अभिमान छुम।
छॉग बुलबुल तालि चंद्रम,ट्योक डेकस यज़मान छुम ।।
बागि बोरतुय राज़ॖ ज़नमय सातॖ बटि गरसॖय ब ज़ास।
अॕटपन तूनिस हटिस मंज़ योनि छुम पहचान खास।
प्रथ शहस म़ज़ शिव शक्ति,दय पनुन विद्धमान छुम।।
छुस ब बटॖ,बटॖ आसनूक रुमि ,,,,,,,,,,,,,
राम् रामय दुबदुबय छुम श्याम सिंज़ मोरली में साज़।
शारिका छम सीथ शक्ति,स्वर्सवती ज्ञानुक में ताज।
वीदनॖय वखनय ऋषेन हिंज़,दीदनॖय भगवान छुम।
छुस ब बटॖ,बटॖ आसनूक रुमि ,,,,,,,,,,,,,
ब्रांदिकनि ललि हिंज़ मे वाणी,रोपि हिशिय छम ज्ञानवान
डेजहरॖस छस दीव प्रज़नथ शीशॖ लाठस गाह प्यवान
तालॖरज़ टेक ताल तंरगॖच,फॉल सुचन स्वाभिमान छुम,
छुस ब बटॖ,बटॖ आसनूक रुमि
कोछि कशीरे माज़ि हिंदि जेथ,वारि ऋषि हुंद छुस गॊलाब
साफॖ लोंचे पानॖ यंद्राज़ कलमसॖय छुम आफताब।
जप त तप,शंख त घंटा अख कुनुय ईमान छुम।।
छुस ब बटॖ,बटॖ आसनूक रुमि ,,,,,,,,,,,,,
बटॖ छु गौरव सिर्यि चंद्रम,बटॖ ज़मीं बटॖ आसमान
बटॖ सॖथिय बॅटलॖय निराश, बटॖ सॖथिय सॊरुय जहान
तनॖ त मनॖ छुस बटॖ,बॅटिल छम,बटिलि हुंद सम्मान छुम
छुस ब बटॖ,बटॖ आसनूक रुमि ,,,,,,,,,,,,,
