खलुल च़ योद अज़ करख नॖ पानस,मलुल यि च़्युह पतॖ यिया दुबारय।

March 29, 2024

0 169 Less than a minute

तच़र यि तंदरूक मच़र तुलिथ गव,हच़र लदस ज़ाह यिया करारय।।

च़ सॊन सॅदॖर छुख ब वॊन दिमय कॊत,छु नॊन में दीदन कमाल च्योनुय।

शबाब शबकुय छु दॊन वुठन प्यठ,खबर पगाह बेयि यिया बहारय।।

कथव च़े रावॖय अथव रछिथ थव,पदेव तछिथ थव पता च्य तोरूक।

खॊचर दिलुक मा नज़र चे डालॖय,पकुन पय्देन ज़ुव थकुन मज़ारय

दज़िथ बुतल पेय हॊखिथ समन्दर,थकॖथ शहव पेय्न छ़ोकिथ धुरंधर।

खसिथ गुरेन छुख च़ ज़ीनॖ रोसतुय,रिसिथ वसिथ प्यन नबिक सितारय।।

खटिथ थवख क्या दिलुक नगीनय,फटिथ छु नेरान च़टिथ यि सीनय।

रटिथ थवुन सुय नटिस रबाबस,हटिस वज़न रोनि अमिय खुमारय।।

यि कॅम अतिर कोर कतुर सफ़ीनस,वछिक ततॖर तुल स्येथुर गंज़ीनस

हसीनि वनतम च़े कीनॖ क्या गोय,मे फीनॖ खसनस न कांह शुमारय

तगुम नॖ योदवय यि गोट में गालुन,शम्माह वोमेदुक में मोश नॖ ज़ालुन।

छु बोश निराशस यि बंदगी हुंद,तमिस छु ज़ुवनुक योहय गुज़ारय।सहारय