Feature StoriesKashmiri Write Up'sTrending Photo
ग्रंज़रून गोव अजरवुन युन,यिवां तारक ति ग्रेंदि छा जाह
ग्रंज़रून गोव अजरवुन युन,यिवां तारक ति ग्रेंदि छा जाह।
सिर्यि च़ंद्रम डंज़े थॅविथ,ग्रंज़र अंदरिय शहन मंज़ शाह।।।।
दिवान छेपि पान कुस गाशस,करान गटनिय छि लोलमतलाय।
हरिथ पेव कुलि पेठय युस पन,डुविथ वावुल
करान गुंदना।।।।।
वुछिथ हालात हेसि रोवुस,करूम संगलात नोज़ुक दिल
वुछुम अंद पॅख पनिन सॅरिय,दिवान डालय करान असुना।।।।।
लगान रूदुम खोंदिस पेठ खोंद,बे मोख गव छोख बनिथ नॅसूर।
परान गीता फिरान मालय,करूम बस वॅसि यी शोगला।
रटिथ दातय बहीखातय,वटिथ छ फ्युर दिवान वरकन।
वुछिथ फितरत यि इंसां सिंज़,दितुन सोचा बनोवुम क्या।।।।
सनुन न्यायन पेयिय द्रोगि द्रोग,छु सॅगि खोत स्रोग प्यजुक ब्यापार।
अंदिर बागस छि सोन रो बर,नेबिर मच़रा कोरूम वदुना।।।।
निराशो क्या छि ज्युवनिक सीर,च़ छुख बेपीर च़ ज़ानख क्या।
च छाडुन कर्म कांह बलवीर,दियिय युस ज़ीर करख नचुना।।।।।।।।।
डा रमेश “निराश”
