Feature StoriesKashmiri Write Up'sTrending Photo
त्रॆशि हॅतॖसिय निश सदॖर आव आबि् ज़मज़म चॊवनस मॅच़ि नेन्द्रे ज़ीर दिच़नम ज़ॆरि अकि वुज़नोवनस
त्रॆशि हॅतॖसिय निश सदॖर आव आबि् ज़मज़म चॊवनस
मॅच़ि नेन्द्रे ज़ीर दिच़नम ज़ॆरि अकि वुज़नोवनस।
त्रेशि हतिसिय।।।।।।।।।
हॅंकलन खुरनावचॆन कॉम नालॖमॅत माह मीठ दित
पॅयरथिय अतॖलास मंज़लिस खॊनि खॊने ललनॊवनस।
त्रेशि हतिसिय।।।।।।।।।।।।
दशि गॅंड गॅंड आसतानन महलखानन पॆय प्रवय
खॊखजि कॅर 2 पतजि बागस रिंदि फॊल नच़नॊवनस
त्रेशि हतिसिय।।।।।।।।।।
चाटॖहालय गाटॖ पयोमा च़ाटिबाजॆन गॊव मॆ फुॅर
द्राति लूनिथ तिम अछर पॆय माजि यिम हॆछिनॊवनस।
त्रॆशि हतिसिय।।।।।।।
ठस बरस दुॅत बॅज़गारन जानवारन कॅर वुडव
हारि हिंज़ कॊछि,दारि बुलबुल,वारि मंज़ गिंदनॊवनस।
त्रेशि हतिसिय।।।।।।।।।।।।
गाह चुज़ॊंग गाहॆ दुज़ॊंग गाह त्रुज़ॊंग अॕखॖर च़ॊरोंग
ग्रंज़फ्यिरव बॆरंग करिथ अडकजि ज़ॆवे मंदछॊवनस
त्रेशि हतिसिय।।।।।।।।।
शीहिज नेंद्रा पॆय “निराशस” गिंदिबाशन सूर गव
दूरि जॅगिथ च़ूरि लंजि पॆठ दूर कति तान त्रोवनस
त्रेशि हतिसिय।।।।।।।।।।। ।।।।।
डा रमेश “निराश”
