Feature StoriesKashmiri Write Up'sTrending Photo
रेह जिगरॖच लॅज वॉंलिज वछॖसॖय,मंज़ ज़ूनॖ पछॖसॖय रॅविम ज़ून। राह क्या नाहकय खॊत गटॖपछसॖय,मंज़ ज़ून पछसॖय रॅविम ज़ून।
रेह जिगरॖच लॅज वॉंलिज वछॖसॖय,मंज़ ज़ूनॖ पछॖसॖय रॅविम ज़ून।
राह क्या नाहकय खॊत गटॖपछसॖय,मंज़ ज़ून पछसॖय रॅविम ज़ून।
लफज़न पन्नेन पानॖ मानि च़ारून,गोड गछि खारून कहवचॖ पान।
कथि मंज़ कथ छय सासस लछसॖय,मंज़ ज़ून पछसॖय रॅविम ज़ून।
वस्लिक तॉवीज़ आमॖ पन्नि तॅरिम,कोछि ललनॅविम हिजरिक दाग।
मोछि छम खॉली वोंदि क्या रछसॖय,मंज़ ज़ून पछसॖय रॅविम ज़ून।
सॅदरूक बल मां छल छुय मानान,मल येलॖ आसिय क्या करि छांट
च़ांगिच रेह लॅज लोलॖ छेयि पछसिय,मंज़ ज़ून पछसॖय रॅविम ज़ून।
ज़ेरि२फेरिनय नेरि क्या ग्रटसॖय,ध्यान बलॖ अथ मंज़ छल मो त्राव
अॕवुल वछ छुम कोता तछसिय,मंज़ ज़ून पछसॖय रॅविम ज़ून।
करमिकि ज़लॖ गछि सग दुन मूलन,शूलन गोडि तल वायुन द्रोत।
ज्ञानिक तीज़ॖ ज़ॖल अज्ञान कछसिय,मंज़ ज़ून पछसॖय रॅविम ज़ून।
ज़ॖचि मा ज़ाह पेय हेरमिय पोरय,योततान खोरव किन ज़ुव द्राव।
किथ त्राव वुछनुय समसॅर गछसिय,मंज़ ज़ून पछसॖय रॅविम ज़ून।
येंद्रिन गथ कॅरिथॖय अबसावुन,ख्यावुन रच़ि रचि पानय निराश।
खेय खेय बोछि लॅज नफसे यछसिय,मंज़ ज़ून पछसॖय रॅविम ज़ून
डाॅ रमेश निराश
