Feature StoriesKashmiri Write Up'sTrending Photo
अथॖ हावुन गॊव अथॖ खॉवनावुन सरपन अथि बुछनावुन पान
अथॖ हावुन गॊव अथॖ खॉवनावुन
सरपन अथि बुछनावुन पान
हर विज़ि खॊरनिय कॅलॖ नॆमरावुन
हर वीज़ि जान छुनि कलि नॆमरावुन
सरपन अथि बुछनावुन पान,,,,,,,,,,,,,,,,
अदबॖच नदामत कॉंसि कॉंसि डॆकिसिय
हॆकिसिय कॅति कांह नखॖ वॉलिथ
क्रॆहनेन कावन मॊखति आपरावुन।।
सरपन अथ बुछनावुन पान,,,,,,,,,,,,,,,,,
सॊंतिच फुलया बागस छि शूबान
हरदॖनि ज़ज़ुरॆरि कुस छावि गुल
च़ॆरॖ कूजि पॆठ च़ूंठुय वोपदावुन
सरपन अथ बुछनावुन पान,,,,,,,,,,,,,,,,
पखॖ मा कुलसिय वुडविय करहे
छ़ारिहे च़ॅर कॊनि अॕलिस आय
सॊंबरिथ गाशय गटि रावरावुन
सरपन अथि बुछनावुन पान,,,,,,,,,,,,,,,,,,
दमिफॅट गम गॊव अनपढ़ वारॆ
वनि कुस हारॆ तोतय रॊव
खॅंडफुट ग्रटसिय सॊबूत त्रावुन
सरपन अथि बुछनावुन पान,,,,,,,,,,,,,,,,,,
रीशम डोरे द्रसि कर हॆसि सान
वॆसि मंज़लिस छय ॶलरावान
अडिछोवुय मा गछि बॉगरावुन
सरपन अति बुछनावुन पान,,,,,,,,,,,,,,,,,,,,,
शीशवेन बानन कनिविय क्रॆछ छम
वॅछ छम थालिज लगि मा ज़ीर
“निराश”नाहकय पान मंदछावुन।
सरपन अथि बुछनावुन पान,,,,,,,,,,,,,,,,,
डाॅ रमेश निराश
