Feature StoriesKashmiri Write Up'sTrending Photo
वक्तस निश गोव वकतिय हॉरिथ,वॉहरिथ मंज़ वति रूदुम वान। छ़लॖगॅर छ़लॖ थॅव लाकम चॉरथ,देह के नेहचॖय दग ललवान।।
वक्तस निश गोव वकतिय हॉरिथ,वॉहरिथ मंज़ वति रूदुम वान।
छ़लॖगॅर छ़लॖ थॅव लाकम चॉरथ,देह के नेहचॖय दग ललवान।।
नबके विहि कम चॖह पेयि त्रॅहरिथ,फिह मंज़ सॅदरस फहि दु्युत पान।
त्रेशिहचि गाडि हिंज़ च़ंग्र छृट वुछथिय,ब्रेह छॅट बुतले रेह आसमान,,,,,,,,,,,
येलि सनि ज़ॅहिद गनि करि पानस,खारि मा छानस तेलि तकसीर।
लॉठकिज लॅठचे गिंदबाशि त्रॅविथ,सॅजलॅंग खानव च़ॖनि वॊंद जान।।,,,,,,,,,,,,,,,,,
कालॖ ओबरन खॊट रोय आफताबुक,ताबॅकॖ ग्रटॖ गॊम सॅत तय सूर।
ज़ेरि ज़ेरि फेरान गॅरि अंदि रूदुस,फलिरोस दारुन फिरनावान।,,,,,,,,,,,,,,,,,,,,,
पखॖच़ॊट बुलबुल ओन लॊंग ज़ॊर कॊल,छॊर मॊर त्रविथ ख्योत आकाश।
सॊख दॊख दॊह रात मातम मंज़राथ,गथ यॆद्रिन कुस नच़नावान।।,,,,,,,
वंटिस डूनिस गोजेन मेछर,जेवि हिंदॖ क्रेछ़रि म्यदरेर रॊव।
अमलन हिंज़ बॊछि वछॖ निराशस,मोछि मंज़ रटिथॖय ज़ुव तय जान।।
डाॅ रमेश निराश
