Feature StoriesKashmiri Write Up'sTrending Photo
दुबरायि दिलचिय रोंनगोडन,श्रोनि श्रोनि ब शीरीं साज़ दिमय। हमसफ़र हमराज दिलबर,कदमन ब नोव अंदाज़ दिमय।।
दुबरायि दिलचिय रोंनगोडन,श्रोनि श्रोनि ब शीरीं साज़ दिमय।
हमसफ़र हमराज दिलबर,कदमन ब नोव अंदाज़ दिमय।।
संजलि रंगविय रंग च़े बॅर बॅर,सॊन तॖ रॊफि गोड कॅर गरय।
माहि नवके हां हिलालय,वुडनस पंखन परवाज़ दिमय।।
गाह छु संगरन च्यानि रोयकुय,बागि गुल अंहार च्यौन।
साज़सिय उल्फ़त म्य बरतम,राज़सिय अल्फ़ाज़ दिमय।।।
होशि डोलमुत गोश थवतम,पोश बागस मंज़ ब च़ास।
तन म्य नॅविम मुश्कि अतफर,ख्योन ब मछि हुंद माज़ दिमय।।।।
आफताबॖनॖ सजदि बुतले,न्यामच़ कम कम फलान।
म्यन रुमि रूमि च्यानि बापथ,पोत छायनिय आवाज़ दिमय।।।।।
छुख निराशुन गाशि चंद्रम,आशिहोत दर इंतिज़ार।
वालिवाशे मंज़ म्य कडतम,डालि जिगर नियाज़ दिमय।।
डाॅ रमेश निराश
