Feature StoriesKashmiri Write Up'sTrending Photo
दयि वन बयि कमि जग बनोवुथ,पॊज़वन अमि मंज़ प्रोवुथ क्या।। फॆनी दुनिया च़ेय सजॊवुथ,पॊज़वन अमि मंज़ प्रोवुथ क्या।।
दयि वन बयि कमि जग बनोवुथ,पॊज़वन अमि मंज़ प्रोवुथ क्या।।
फॆनी दुनिया च़ेय सजॊवुथ,पॊज़वन अमि मंज़ प्रोवुथ क्या।।
कुन ज़ॊन आसहख मा च़्य खॊच़ान,बोनि नॉन पृथवी हेरि आसमान।
छ़ोंबॖ कॅर कॅर ज़गतॖय फसोवुथ,पॊज़वन अमि मंज़ प्रोवुथ क्या।।
पूज़ायि शोकय कोरूथ मा फंद,तवय येति बावान दोद तय कंद।
गटि सीथ गाशा फॉलरोवुथ,पोज़वन अमि मंज़ प्रोवुथ क्या।।
ज़नि रोस छ़ेनि गॊवया व्यवहार,लोगथन ज़ालस द्रुस यि संसार।
मायायि ज़ालिय वॉहरोवुथ,पोज़ वन अमि मंज़ च़े,,,,,,,,,
छु नि कांह यस नॖ च़ेय पुशरूथ जान,मोछि मंज़ रॅटथॖय मन तय प्राण।
मेच़ि मोर कथॖ च़ेय करनोवुथ ,पॊज़वन अमि मंज़ प्रोवुथ क्या।।
जॉदगरि द्युतनय कॉम खयालय,सॉदरिकि संनरय कोह ति बालय।
अपज़ुक ब्यापार हेछ़नोवुथ,पोज वन अमि मंज़ प्रोवुथ क्या।।
दुज़ंगुल कम क्या ओस इंसान,पतॖ पतॖ चे थोवथस लूबॖ शैतान।
संगदिल मन सोन ब्रमरोवुथ,पॊज़वन अमि मंज़ प्रोवुथ क्या।।
ज्योन तय मरून मा बदलोवुथ,पॊज़वन अमि मंज़ प्रोवुथ क्या।।
कर्मुक शाहमार सॅनथिय नॉल,दॖयचव टोफॖवॖय करिथ तुतॅवॉल।
ज्योन तय मरून मा बदलोवुथ,पॊज़वन अमि मंज़ प्रोवुथ क्या।।
वन शैतानन क्या चे दितुनय,पोत फीरिथ मा बाज हेतनोय।
मन चंचल कर डंजि थोवुथ,पॊज़वन अमि मंज़ प्रोवुथ क्या।।
नफ़च़ॖन अरमान सॉरिय गॉल,बोछि हिंज़ गुनसय गॅमिचि नॉल।
न्यामच़व नाहकि दिल तंबलोवुथ,पॊज़वन अमि मंज़ प्रोवुथ क्या।।
पोज़ वन राज़ क्या अथमंज़ छुय,पन्नेन टाठेन हिंज़ छय द्रिय।
पोशीदि सीर मा कंसि बोवुथ,पॊज़वन अमि मंज़ प्रोवुथ क्या।।
बनावुन च़े पेवुय क्याज़ि इंसान,पोज़ वन योद छुख चिय भगवान।
निराशुन न्याय मा अंज़रोवुथ,पॊज़वन अमि मंज़ प्रोवुथ क्या।।
डाॅ रमेश निराश
