वख वनान थख दिथ छु बूज़िव रॊज़ि कुस इंसान त्रॆन दॊहन हिंज़ बाकि बाके छॆति गछ़ान शमशान।।

August 1, 2023

0 404 Less than a minute

वख वनान थख दिथ छु बूज़िव रॊज़ि कुस इंसान

त्रॆन दॊहन हिंज़ बाकि बाके छॆति गछ़ान शमशान।।

टॊय्ठ मधुर नाबद मरॖच़ व्यूर तुलथिय नीरिकुय,

सीनि सदरुक द्राव चीरिथ बाकि वदॖना आसमान।।

रय्छदरनिय बाछि करिना माछि मॊलसिय मॆनसिय,

घासॖ तुलॖविय छाय ज़लिथ माय म्यनिय गोव मशान।।

राॅछ प्रछनिय मा करिम मॆच़ॖ सॊनस म्युल गव कुनुय,

चानि् छ़ॆफ़ दिनॖ हा निगारो जाह दोद न शम्मादान।।

शेशतॖरॖव च़ॏट सीनिसिय दिथ शीन ज़न वॆगलयॊस बॖय,

बालॖ थोंगॖविय नालॖ दितना बोज़ि कुस वन दरजंहा।।

बागसॖय वुछ क्युथ असर प्योव रागसिय मिसमार गॊव,

तॊशि क्या गुल रॊशि कुसकस छायॖ परदन वुफि च़लान।

कति छु सपदान पॉदि शबनम पौशि लंजि छय क्या खबर

कुस छु फ्योलरावान गुलन येति कुस छु मुशकावान।।

बाश छुनि त्यूता”निराशस” वनि ज़ि कलमन ल्यूख क्या

बावि दिलकुय दोद लूकन वाय कति अनि तिछ जबान ।।।

डाॅ रमेश निराश