Feature StoriesKashmiri Write Up'sTrending Photo
चेय रोस में छुम कुस ईशानो,नंदलालो म्यानि भगवानो। रास गिंदनाव तम जानानो, नंदलालो म्यानि भगवानों।।।
चेय रोस में छुम कुस ईशानो,नंदलालो म्यानि भगवानो।
रास गिंदनाव तम जानानो, नंदलालो म्यानि भगवानों।।।
कुस छुम युस बोज़ेम ज़ॅरी,जगतिकि हे तारणहारी।
दिति मेति व्यन त्युथ वरदानो,नंदलालो,,,,,,,,,,,,,,,,
दीन बंधु दीन हितकॉरी,आमित छि शरण च़ेय सॉरी।
त्रॊव पूज़ायि हुंद मे प्रस्थानो,नंदलालो,,,,,,,,,,,,,
ज़न्मन हिंज़ गांगल च़ॅलराव,कंड ज़ालव मंज़ असि मॊकलाव।
आय लारान चेय छ़ारानो,नंदलालो,,,,,,,,,,,,,,,
मॊरली शब्दुक रस चावुम,अज़ दर्शन पन्नुय हावुम।
नर छुस बोज़तम नाराणो, नंदलालो,,,,,,,,,,,,,,,
हे दीनॖ हीनि आयि लारान,अकि आशि च्यानि येति प्रारान।
बस च़े्य सीथ छुम में यारानो,नंदलालो,,,,,,,,,,,
दोह रात में च्यनी कल छम,चरणय कमलन तल वरतम।
ज़गि हिंद रक्षपाल मस्तानो, नंदलालो,,,,,,,,,,,,,
ज्ञानुक अमृत अज़ चावुम,असॖवॖनि मॊख दर्शुन हावुम।
म्यानि चमनॖक बडि बागवानो, नंदलालो,,,,,,,,,,,,,,
मंज़ वति पेठ मतॖ मंदछावुम,अथॖ रॉटथिय वथ मेति हावुम।
ज्ञान सॉदरूक दिम में ख़ज़ानों,नंदलालो,,,,,,,,,,,,,,
छुस सॊदामा भाव पोश चारान,मन तारन कृष्णिय तारान।
छुय निराश च़ेय आशावानो, नंदलालो,,,,,,,,
डाॅ रमेश निराश
