मॊच़िथ प्योमुत नच़िथ क्या द्राम अच़िथ बागस न्यंदॅर आयम रछिथ क्या छुम तछिथ यूता कशिथ छोख न्यॅन वछिक द्रायम

August 22, 2024

0 270 Less than a minute

मॊच़िथ प्योमुत नच़िथ क्या द्राम अच़िथ बागस न्यंदॅर आयम

रछिथ क्या छुम तछिथ यूता कशिथ छोख न्यॅन वछिक द्रायम

वॅसिथ सनिरस खसिथ बालन,फॆक्यन कांगर पध्यन च़ालन

वविथ वसलॖक पंम्बछ डलॖसॖय,खलस हिजरॖॖक्य त्येंगल जा़यम

ख़टिथ वटवोट छु दर अंगोट,रटिथ हठ वथ च़टिथ कति ब्यूठ

गंडिथ नलवोट श्रुकेव वाखव,मधुर मस यिनि सॅदिर रायम

फरिथ कुस गव बरिथ कंज़सॖय,रलिथ कनॅ गोम वलिथ शुपसॖय

चंदव रोस जंदॖ दिवान बारव,रिंदन मंज़ बिंदॖ में मंदछाव्यम।

गरिथ च़ांग्यन बरिथ रथ पूर,परिथ पॊथ्यन सॊरिथ भरपूर

फिरिथ तसबी दोहस रातस,अतुर यिनॖ कॉल दतुर खायम

थकिथ चंद्रम छ़ोकिथ आफताब,श्रोकिथ आलेन होखिथ च़ामॖत

खसिथ अर्शस फर्श ख्वोरॅ चॊल,फटिथ फ्यल त्य फ्यफर द्रायम

सनिथ सनॖ गॊम अनिथ यूता,रनिथ न्यामच़ॖ बनिथ म्यच़ गय

तमिस छ़्यपलस निराशुन वन,ज़ुल्फ बरहम सु पॅराव्यम।।

“Dr. Ramesh nirrash”