Feature StoriesJammu & KashmirKashmiri Write Up'sTrending Photo
कॉर कॉर दोहय अनलाक अज़ मे कॊर ब्लाक व्येसिये
कॉर कॉर दोहय अनलाक
अज़ मे कॊर ब्लाक व्येसिये
हलॖ तल लॆनम श्राख,
अज़ मे कॊर ब्लाक व्येसिये।।।।
अकाउंट तससुंदुय बंद,येम में कॉर वंसे फंद
छस छ़टान लोलचॖय बाक,
अज़ मे कॊर ब्लाक व्येसिये।।।।
तस रोस वन कुस में यार,जायि कोर येम में लकचार।
सुय छुम दिलसॖय फिराक
अज़ मे कॊर ब्लाक व्येसिये।।।।
डंजि मा ज़ाह सुय रुद,छुम वसान अछवॖय रुद
छुम करान कस सीथ वाक,
अज़ मे कॊर ब्लाक व्येसिये।।।।
लोलॖ खतनॖय पुच़पार,छ़ेफ दिथ कतॖ ब्यूठ यार
छस दिवां दोहलॖय वेदाक,
अज़ मे कॊर ब्लाक व्येसिये।।।।।।
मारि मति वारॖ वुछहथ,करहा प्रनिय स कथ।
बदनस में गमित चाक,
अज़ मे कॊर ब्लाक व्येसिये
रूदुम नॖ कांह ऐतबार,कूत कोरमस में इंतजार
कॉता कॉरमस में नाक,
अज़ मे कॊर ब्लाक व्येसिये।।।।।
वॉद वॉद गॉद बदनस,वनतॖ शेछ म्येन मदनस।
टाइम पास छुस टिकटाक
अज़ में कॊर ब्लाक व्येसिये।।।।
गिरिजा छस वनान जार, जिगरस अंद्रय नार
कुंजि रोस कोरनम लाक,
अज़ मे कॊर ब्लाक व्येसिये।।।
