Feature StoriesKashmiri Write Up'sTrending Photo
च़टिम जामि ति द्युतिमख नार कोत गव सु म्योन लकचार
च़टिम जामि ति द्युतिमख नार
कोत गव सु म्योन लकचार
ओश त्रावान छस च़ालि च़ाले
दिलकुय हाल बि कस बावय
छुम कलसी पयठ गोब बार
कोत गव सु म्योन लकचार।
न छुम हेस ति न छुम होश
ज़न छस गमिच़ बि बेहोश
कांह छुमनि बासान वफादार
कोत गव सु म्योन लकचार।
मन छुम नि लगान कुन्य कारस
यारस वन्य कति बि प्रारस
प्रॶर प्रॶर जिगरस गोम लुरपार
कोत गव सु म्योन लकचार।
हाय वेसय वनतम कति सु म्योन यार
येम म्योन ज़ुव न्यू बेय न्यू करार
वन्य नाय सब्र छुम गोम गटकार
कोत गव सु म्योन लकचार।
बि त्रॶवनस त्अम दर अज़ाबस
कोरनम सूर यथ जिगरस
दादिस दवा छुम सु बालयार
कोत गव सु म्योन लकचार।
च़ु ओसुख मयोन ताबेदार
बि आसिस चान्य तलबगार
कडिथ वुफ ज़न जानावार
कोत गव सु म्योन लकचार।
बि करनस मारि बेय ग़मखार
कांसि वननस रूदुम न वार
रोवुम सोरुय सु म्योन खुमार
कोत गव सु म्योन लकचार।
आस्था वनन छय कर यियी आर
मतित करतम सारनिय निश खार
च़िय छुख म्योनुय गुल ति गुलज़ार
कोत गव सु म्योन लकचार।
