Feature StoriesKashmiri Write Up'sTrending Photo
सुलि वथ पूज़ा कर ईश्वरसॖय,शिव शंकरसॖय प्रेयमॖ पॊन्य भाव शिव शंकरसॖय परमीश्वरॖसॖय,शिव शंकरसॖय प्रेयमॖ पॊन्य भाव
सुलि वथ पूज़ा कर ईश्वरसॖय,शिव शंकरसॖय प्रेयमॖ पॊन्य भाव
शिव शंकरसॖय परमीश्वरॖसॖय,शिव शंकरसॖय प्रेयमॖ पॊन्य भाव
सुलि वॊथिथॖय ग्वडॖ मन वुज़नावुन,कथॖ करनावुन शाहतुलि सीथ
रवचय प्रवि प्यन पम्पोश डलसॖय,शिव शंकरसॖय प्रेयमॖ पॊन्य भाव ।
सुलि वॊथनस छुय कॊताह मधुर फल,भक्ते भावस लोलस तॖ मायि फल।
महिमा छि तस सॖंदॖस अर्धॖ प्रदिक्षणसॖय,शिव शंकरसॖय प्रेयमॖ पॊन्य भाव
युस वथि हर दॊह सुलि प्रभातन,सुय प्रावि ना येति स्वख तॖ सम्पदा।
म्युल गछ़ि जीवस नारयणसॖय,शिव शंकरसॖय प्रेयमॖ पॊन्य भाव
दारि बर त्रोपरिथ क्याज़ॖ छुख प्रारन,खार मनॖ तारन सूहम सू।
डंजॖ रठ लंजि हुंद बुलबुल सरसॖय,शिव शंकरसॖय प्रेयमॖ पॊन्य भाव
ज्ञान दारनाये ध्यान गछि दरनुय,सरनुय आंद्रिय गछ़ि ओमकार
ज़पॖके तपॖ तस ओमकेश्वरसॖय,शिव शंकरसॖय प्रेयमॖ पॊन्य भाव
हां निराशो वथनस कर सुल,द्धेव च़ेति फलनय गुल त गुलज़ार
साज़ुक राज़ प्रॖछ गंगा धरसॖय,शिव शंकरसॖय प्रेयमॖ पॊन्य भाव
