Articles & OpinionFeature StoriesTrending Photo
(गुरु वंदना) ग्वॊरॅ पादन लगय ब पॉरिये,सत् ग्वॊरॅ बॊज़तम मॆ ज़ॉरिये। भाव पॊश लागॗ च़ॅर च़ॉरये,सत् गॊर बोज़तम मॆ ज़ॉरिये
ग्वॊरॅ पादन लगय ब पॉरिये,सत् ग्वॊरॅ बॊज़तम मॆ ज़ॉरिये।
भाव पॊश लागॗ च़ॅर च़ॉरये,सत् गॊर बोज़तम मॆ ज़ॉरिये
सद्गुरु सतॖचॖय वथ में हावुम,कष्टॖन ज़ालय मॊकलावुम।
पाप शाप बखचुम मॆ सॉरिये,सत् गॊर बोज़तम में ज़ॉरिये
मनकॖस मंदरस ख़य च़ॅलराव,अथरॊट करतम दॉद बॉलराव
गांगल गयम छॅर छ़ॉरये,सत् गॊर बोज़तम में ज़ॉरिये
आश बबॖ चॅनिय गाश हावुम,सतचॆ वति पेठ में पकनावुम
आमॅत हलम दॅर दॉरये,सत् गॊर बोज़तम में ज़ॉरिये
वनॖकस वननस वार मा छुम,अज़लय खुर यॆति आमुत छुम
बरनॆन में मुच़राव तॉरये,सत् गॊर बोज़तम में ज़ॉरिये
च़ॆय रोस तारि कुस में संसारस,कन थव बबॖ म्यानि ज़ारपारस।
ज़ार बॊज़ कन दॉर दॉरये,सत् गॊर बोज़तम में ज़ॉरिये
सादन हिंदॖ सादॖ मस्तानय,पॊंपरॖन गथ करां परवानय
कासतम गम तय खॅरिये,सत् गॊर बोज़तम में ज़ॉरिये
बॆबस बॆकस संतान च्योन,बबॖ कॊनॖ बॊज़ान फरियाद म्यॊन
दॊरान आयि ननवॉरियॆ,सत् गॊर बोज़तम में ज़ॉरिये
सतसंगकुय बबॖ मय में चावुम,गॊर शबदॖय दिलॖ वुज़नावुम
अदॖ देव च़लेम यि बेमॆरये,सत् गॊर बोज़तम में ज़ॉरिये
आमुत निराश डॆडि तल प्रारान ,आफताब बबॖ छुस च़ेय छ़ारान
गॊमुत ब छुस हॉर हॅरिये,,,,,,,,,सत् गॊर,,,,,
कवि
डाॕ रमेश निराश ।।
