Feature StoriesKashmiri Write Up'sTrending Photo
हक चीची ग्युंद गुहि येच़ि शानन,छ़लॖ खोरबानन पेय च़लॖ लार सज़लंगॖ खुर आव सतवॅन खानन,गंडॖरोस तानन डोल अंहार
हक चीची ग्युंद गुहि येच़ि शानन,छ़लॖ खोरबानन पेय च़लॖ लार
सज़लंगॖ खुर आव सतवॅन खानन,गंडॖरोस तानन डोल अंहार
टेंचव फेंचन फंब खॊर शांदुक,होंज़ुक रादुक फ्युर मा द्राव
तमहॖच तेंबरे तॖॖरपचॖ करिनम,खॉरपच़ि च़ारेन छ़ति गव नार
छ़ेपॖ छ़ारॖ रॊज़म संन्यवारॖ बरनय,अॕन कतॖरव तुलहम गतॖ ग्यूर
थुनयॖकॖ बुनलॖय दॖंनरॊव सोरुय,रज़ॖ वटॖवॖयॖ रूज़ वज़नय तार
खोह दिय २ गव पोह मंज़ सोंतस,मोतस हरदॖन दोह पेय याद
लॅठकॖजॖ ल्यठसॖय ठॖलॖ त्युथ गुंदनम,गिलॖ गव ज़ाल्व बोतुलहार
हिरॖकॗय खिरॖटॅक लायय तवॖनम,स्वनहॅर ख्रावे ओननम ग्यूर
पोण मा ज़ाह त्रोव मीनॖथ बानस,दॗह तुल दानस वुछ गटकार
च़्य तॖ बॖ तॖ लुतॖ बाब हु कुस बॖ कुस,त्युल त्युल लंगनुय तुलान छुस
बबरे पन वोल वनॖ मनॖ ब्रारे,कॊतरन ज़ेवि लोग तॊतॖ गुफ्तार ।
बरॖ क्या बोहरेन वटनय छ़टनय,च़ेपॖ छम वॅहरॖथ गंडनय लॅय
माज़न हरॖ रोस अलबानॖ लांज़न,बेरि बेरि नच़नोव ज़ेरि संमसार ,,,,,,,,
जतॖ तॗ तॗ के गीं गीं ठोलॖ ठोल,छलॖ मा रलॖ गछ़ॖ कनसॖय निराश
फनकॖय मॉहिर थॊप दिथ कननॖय,वनि कुस थनॖकॖय ग्रज़वॖन शार।
डॉ रमेश निराश
