Feature StoriesJammu & KashmirKashmiri Write Up'sTrending Photo
ललॖ वाखन वॊथ कॉल पुरसान,यी तमि ललि वॊन ती छु सपदान। टंग कुज़ि च़्यूंठ तय च़ेर यकसान,यी तमि ललि वॊन ती छु सपदान।
ललॖ वाखन वॊथ कॉल पुरसान,यी तमि ललि वॊन ती छु सपदान।
टंग कुज़ि च़्यूंठ तय च़ेर यकसान,यी तमि ललि वॊन ती छु सपदान।
काहनॖय रॉवमॖच़ वति प्येठ गाव,लॅज सेकि शाटस हमॖरोस नाव
हमखूर नम रोव ब्रम ललवान,यी तमि ललि वॊन ती छु सपदान।
रवचव प्रववॖय बटॖ वुज़नोव,तोति मा यिकवटॖ असि सोंद्रोव
दॅज़ तवय लॉर तय बेयि गुपन गान,यी तमि ललि वॊन ती छु सपदान।
च़ॊयवॖय रोय रोव तत्स्वरुपस,हंगॖमंगॖ ज़ेवि ब्यूठ तसरुपस ।
नंगि छा किनि नॊंग कथॖ म्यानॖ ज़ान,यी तमि ललि वॊन ती छु सपदान।
त्रामस पतॖ रॉव सोनसिंद वाख,हलॖ तय बलॖ छम वुनि सय श्राख।
अटगंड ड्योल गोम वॊटॖ मारान,यी तमि ललि वॊन ती छु सपदान।
सोनॖ लरिनॖय वॉथ दारि बर रूद,छलॖ छांगॖर गय ज़िंदॖ ज़ुव मूद।
असि रॉव प्रज़नथ बेयि पहचान,यी तमि ललि वॊन ती छु सपदान।
पाहलॖ रोस त्यॅर ख्योल गंडॖरोस गाव,असि क्या हॉसिल अज़ तां आव।
येंद्रतुल नेंद्रि मंज़ हालि हॉरान,यी तमि ललि वॊन ती छु सपदान।
माजि कोरि अथवास वुछ करिथ द्राय,ललि हिंज़ वखनय बारसस आय
यी वुछुम दीदव ती ब लेखान,यी तमि ललि वॊन ती छु सपदान।
न गय ज़ाह कांद्रस न गय व्यंनिस,गफलतव गंड कॉर क्रंजलि पॉंनिस
माछ़र लद आछुर छु रोज़ान,यी तमि ललि वॊन ती छु सपदान।
ग्युंद अकुस बोकुस असि ज्ञानॖ चंगॖस,हु कुस तय ब कुस रोव दोहय बंगिस
यहय दग ललॖत्राग तति छु ललवान,यी तमि ललि वॊन ती छु सपदान।
यिकवटॖ कोंग कविता न वोपदान,बिलहनन तेलि वोन थव निराश ध्यान।
ललि हुय वोथि न कांह बेयि ज्ञानवान,यी तमि ललि वॊन ती छु सपदान।।
