परि म्येन ग्रेटने सूहम सू, हूँदॖकॖॖ -हू, हूँदॖकॖ-हू गेजि कर वावस बॊंबरॖनॖ बूँ,हूं दॖकॖॖ-हू ,हूं दॖकॖ हू

January 2, 2026

0 576 Less than a minute

परि म्येन ग्रेटने सूहम सू, हूँदॖकॖॖ -हू, हूँदॖकॖ-हू

गेजि कर वावस बॊंबरॖनॖ बूँ,हूं दॖकॖॖ-हू ,हूं दॖकॖ हू

कनॖॖॗ ग्वगरेन बरॖ तोर मुच़राव,शोर छुय अंद्रय कर ठहराव

फलि फलि गलॖ त्राव दारॖॖन खूँ,हूंदॖकॖॖ-हू,हूंदॖकॖ-हू

ब्रांदि कनॖ दांदॖ ज्योरि रेह सॊम थाव,खॅव मंज़ न्यॅव पुय दमॖ वॊपदाव

छ़ेदनॖकॖ शरहय चरि हुंद चूँ,हूँदॖकॖॖ-हू,हूँदॖकॖॖ -हू,

ओश ब्यूठ छ़ेफ दिथ सॅदरॖ सन्यरय,नालवॖय ताल फॅज बुमॖ घन्यरय

च़ंद्रॖनि ज़ॊलि रॊव हांगॖलॖ हू, हूँदॖकॖॖ-हू, हूदॖकॖ-हू

छ़रि कॖयि नेरि क्या छॊंफ दिय दिय,दिलकिस अॕनस दॖयॖ हिंज़ लॖय

लंजि मा डंजि रूद ज़ाह गुटर गूँ,हूंदॖकॖॖ-हू,हूंदॖकॖ -हू

स्रेह रोस सरकुय बॊठ गेवि क्या,नॊट रूद वज़नय मुनॖ तति क्याह

गिरदाबॖ गोतवॖय फॅतॖ फॅतॖ फू,हूंदॖकॖॖ -हू, हूंदॖकॖ-हू

दमॖ दमॖ दमकुय दम लयॖ रोव,वावॖल श्रोनवॖॖय दम अंज़ॖरोव

काकन शालफा छ़ोंबि न्युव शूं,हूदॖकॖॖ-हू, हूदॖकॖ-हूँ

नॅलिचस च़ॅकसॖय लॅज़ गॅगराय,तेंगलव चिलमॖय वलसनस आय

रिंदॖ पान ज़िंदॖ ज़ाल जतॖ तूँ तूँ, हूं दॖकॖॖ-हू ,हूं दॖकॖ हू

तवॖ ताल रक्सस सोज़य थाप,बुतलॖ हिंदॖ गीरबचॖ कवॖ निराश ज़ाख

ओम ज़ोम प्वखताव कुकलॖ हिंदॖ कू,हूँदॖकॖॖ-हू,हूँदॖकॖॖ -हू,

निराश