Feature StoriesKashmiri Write Up'sTrending Photo
सोन तॖ रोफ सेकलेन जरिथ,अथ मेच़ि मॅरिस वन क्या करख। सोंतस गछ़ान हरदुय फरिथ,अथ मेच़ि मॅरिस वन क्या करख।।
सोन तॖ रोफ सेकलेन जरिथ,अथ मेच़ि मॅरिस वन क्या करख।
सोंतस गछ़ान हरदुय फरिथ,अथ मेच़ि मॅरिस वन क्या करख।।
नारय छेवान वुछथिय छु पॊंन,पॉंनिस दिवान सदरिय छु दाम।
सदरस आमॖच़ कर यड़ बरिथ,अथ मेच़ि मॅरिस वन क्या करख।
मुश्कायि बागस क्या गॊलाब,वुछ लाजवाब कंडिनिय छु गुल।
बुलबुल छु कथ रॅछा करिथ,अथ मेच़ि मॅरिस वन क्या करख।
छेफ दिथ सु बूठ बालन कोहन,छालन नि मनचेन कांह दवा।
क्या हॅसिलॖय यूता पॅरिथ ,अथ मेच़ि मॅरिस वन क्या करख।।
हॉल कॉल अछर अलमिक परिथ,छा कॅसते मोखतय जरिथ
छा कांह यिवान वापस मरिथ,अथ मेच़ि मॅरिस वन क्या करख।।
लोलिच तेंबिर बागस निराश,द्रामुत छु नोन गटि मंज़ प्रकाश।
गछनुय छु यथ सदरस तरिथ,अथ मेच़ि मॅरिस वन क्या करख।।।
डाॅ रमेश निराश
