Feature StoriesKashmiri Write Up'sTrending Photo
मनॖ तय तनॖ थव कुन लय पानो,अदि मेलिय चेय परमेश्वर। दॅछनिय खोवरिय जानि जानानो,मुच़राव बागस अंद्रिम बर।
मनॖ तय तनॖ थव कुन लय पानो,अदि मेलिय चेय परमेश्वर।
दॅछनिय खोवरिय जानि जानानो,मुच़राव बागस अंद्रिम बर।
शोंगथिय शाहमार लोति वुज़नावुन,मति मो च़ेर तान नेद्रिय त्राव।
वति पेठ ज़ागिय च़ूर गछि फरिथिय,गूर करनावुन ओमकेश्वर।
छा कांह युस नो पापव बरिथिय,मरिथिय लोगमुत तति दावस।
स्योद रठ हम खूर अथ नावॖ तारस,नज़रे थावुन तारकेश्वर।।
कर्मुक ब्योला सेज़ि बेरि वोवनुय,स्वाहा करनुय अंहकारिय।
श्वासन सीथ गछि रामिय स्वरनुय,ब्रोहकन मेलिय रामेश्वर।।
शीवस शक्ति म्युल कर अंद्रय,जंद्रस खय छय कुंजि मुच़राव।
मूलादारस ध्यान गछि स्वरनुय,विज़ि विज़ि खसनुय चक्रेश्वर।
कुनि बरसॖय मा दिथ छुय तोरूय,गोरसिय सोरूय कर अर्पण।
गटि मंज़ गाशुक गोर खारि पोरूय,ततिथिय लबहन गोर्वैश्वर।।
ग्रटि पकनावुन यूग अभियासय,फॅलॖ फॅलि पुहमुत नेरिय जान।
निराश पछ थाव मेलिय सोरूय,वुज़वुन छुय च्योन ज्ञानेश्वर।।
डा रमेश “निराश”
